TOMÀ A VA A TURIN 1^ PART (ispirà al romanz ëd De Amicis “La vitura ëd tuti”)
Quàich ann fa a Turin, na dominica dòp
disné an ocasion dël Sentesinquantesim aniversari 'd l'Unità d'Italia, a l'era
capitame 'd fé 'n viagi dzora a na vitùra tranviaria d'epoca andova 'n monsù
dl' “Associassion Turinèisa Tramvaj Ëstorich” a spiegava ai viagiator la stòria
e ij fin ëd l'associassion midema. Tra le tante còse ch'a l'avìa contà un-a a
l'era 'l but ëd fé ristampé 'l libèr ëd De Amicis “La carrozza di tuttì”
andova l'autor a contava dle gent e dij fàit ancontrà për n'ann ant ij sò viagi
sle vitùre pùbliche ëd soa época, ij tranvaj a cavaj. Chèich mèis dòp a l'era peui capitame 'd
trovè a 'n mërcà dle pùles na veja còpia dël libèr, i son catamla, i l'hai
lesula e l'è vnume 'n mente dë scrive quàich riga dël viagi imaginari (ma con
tante realtà) 'd Tomà e 'd soa fomna Norin-a fàit ant na sola giornà ant la Turin dël di d'ancheuj, contà da chiel
midem.
A conta Tomà:
"A l'era da vaire ani che mi i era pì nen andàit a Turin con ij mes pùblich; da cand mi i j'era andàit an pensìon a l'avìo sèmper compagname 'l fieul o la nòra 'n màchina. Adess, a pì dë stant'ani, i son trovame 'd dovèj andé 'n sità për dësbrighé 'd pràtiche motobin amportante, da sol, pr 'ël motiv che sia 'l fieul che la nòra a j'ero 'n vacansa fòra d'Italia.
Donca cola matin lì, motobin bonora, mi e mia fomna Norin-a i-i soma portasse sla piassa dël pais andova a-i é la stassion ëd la coriera (coj ch'a son pì modern a diso àutobos). Ambelelì, dal moment ch'a l'era temp ëd le scòle, i-i soma trovasse 'n mes a në strop dë scolé ch'a fasìo 'n ciadél dla malora; a brajassavo, as possonavo, a stasìo nen un moment frem e cand peui a l'é rivà la coriera a j'ero campasse dzora con tanta pressa e malacreansa che scasi a campavo Norin-a giù për tera. Naturalment, na vòlta dzora la coriera, i l'oma fàit tut ël viagi 'n pé 'n mes a la maraja ch'a chitava nen ëd fé rabel sautand ëdcò da 'n sedil a l'àutr. Òh, come a j'ero lontan ij temp cand le masnà e ij giovinòt a lassavo 'l pòst a le fomne e a j'ansian! Malgrè ij posson e le orije anciorgnìe con l'agiut ëd Nosgnor i soma rivà a Turin e, an dontrè fërmade, la coriera a l'é dësvoidasse e, për boneur, i l'oma podù stésse antant che la coriera as fermava già n'àutra vira. Ma 'l safeur a l'avìa dëstissà 'l motor e la coriera a partìa pa pì! A cola mira antant che mi e Norin-a, anchiet, i beicavo an gir na vos ch'a smijava rivé dal plafon dla coriera ancamin-a a dì -"Signori, dovete scendere, siamo al capolinea!"- "Ò basta là", mi i l'hai rëspondù, "ij soma pà 'ncora rivà a Pòrta Neuva!" - "Sicura monsù, per Porta Neuva i deve pijé 'l tranvi 'd sota!"- a rispond ël safeur an fasend babòja da sò gabiòt darera al volant. Mi i l'avìa sentune parlé dël tranvi 'd sota ò metropolitan-a ma mi i savìa nen andova ch'a l'era e dzortut i savìa nen come ch'a fonsionèissa. Antlora 'l safeur a l'avìa mostrane ch'a vantava calé giù sot-tèra e peui pijé na scala mòbil, cola con jë scalin ch'a van su e giù daspërlor, che a l'avrìa portane a la stassion. Dun-a, i soma montà dzora sta scala con quàich incòmod përchè jë scalin a stasìo nen frem na minuta, a scapavo sèmper da sota ai pé e a bzognava sauté dzora al vòli. Për doi ansianòt coma noi a l'é staìta na mesa imprèisa ma bin ò mal i soma rivà al fond ëd la scala ma squasi robatand. Ambelelì a-i era na gròssa sala con tante pcite pòrte trasparente butà an fila ch'as dovertavo cand quaidun a vorìa passé. Ëdcò noi i-i soma avzinasse a cole porte ma gnun-a as duvertava, tramentre che davzin la gent a intrava sensa gnun problema, na mascarìa! Un monsù tut tapà da festa a l'ha beicane pr'un pòch, peui a l'é avzinasse a noi e con ëd manere franch grassiose a l'ha dine ch'a vantava caté 'l bijèt e a l'ha mostrane na sòrt ëd frigo tut pien 'd luminèt e d'iscrission colorà ch'as na capiva franch gnente. Antlora cost monsù a l'é smonusse 'd caté chiel ël bijèt për nòstr cont, e a l'ha ciamame ij sòld. Për boneur mi i l'avia mach dij bijèt da dès euro, i l'hai sporzujne un e 'l monsù a l'ha 'nfilàlo ant na filura e da n'àutra a l'é sortì 'n cit papé pien ëd numer e litre: ël bijèt. ”Lo infili nella fessura vicino alla porta trasparente che si aprirà e si ricordi di recuperare il biglietto appena passato” a l'ha peui dime franch grassios e a l'é andass-ne. Parej i l'hai faìt, la pòrta a l'é duvertasse, mi i son passà travers, i l'haì recuperà 'l bijet e, dincinato!, la pòrta a l'é subit sarasse darera 'd mi lassand fòra mia fomna. Bela stòria costa, mi andrinta ch'a savìa pì nen còsa fé e la fomna fòra dësperà che squasi a piorava. Un fatorin con an testa 'n capel galonà pes d'un general a l'è avzinasse e a l'ha ciamame 'l motiv ëd tuta cola agitassion; mi i l'hai contà lòn ch'a l'era capitane e chiel con ël ghignèt sij làver a l'ha ciamame ij sòld për caté n'autr bijet (n'àutr 10 euro ch'a pijava 'l vòli) ma sta vira 'l fatorin (ch'a l'era col giust) a l'ha dame la resta d'eut euro e sinquanta. I l'eve capì? Mi i j'era stàit ciolà franch da bin; franch na bela acoliensa pen-a rivà a Turin e meno mal che i l'avìa mach dij bijét da des euro e ne da sinquanta o da sent! A la bonora, dòp tute ste tribolassion, anche la fomna a l'era peui intrà, e an caland da na rampa dë scale, a monté sla scala mòbil i j'ero pi nen arzigasse, i soma rivà sla banchin-a andova noi i dovìo speté ël tranvi 'd sota.
Ma varda-là n'autra sorprèisa; dë 'dnans ai binari a-i era na muraja 'd véder con tante pcite pòrte dcò 'd vedér ma tute sarà s-ciasse. Mi i son restà antërduà, come ch'as fasìa a monté sle viture dël tranvi 'd sota con le pòrte sarà? Antramentre che i gabolav rësguard a stò problema ël tranvi, squasi sensa gnun romor a l'é rivà, a l'é fërmasse e, miraco, le porte 'd vedér a son duvèrtasse da sole franch an mira a le pòrte dle viture che antant ëdcò lor a j'ero duvèrtasse, ròba da nen chërde! A cola mira i soma montà e i-i soma trovasse 'n pè, ëdcò lì ij sedij a j'ero tuti ocupà da na furfa brajassanta, sël dë 'dnans ëd la prima vitura, e ambelelì, vardé 'n pò, n'àutra mascarìa: a-i era gnun safeur! La vitura a marciava da sola! Dòp un moment dë sbaruv i-i soma pasiasse; a l'era n'amusament vardé le rotaje bërlusente che dë 'dnans a noi a smijavo slunghesse a l'infinì, ij ciàir ëd tuti i color ch'a rivavo e ant un nen sparìo maraman che 'l tranvi andasìa anans. Ma 'n bel moment doi ciàir ësbalucant a son sautà fòra da dzora 'n dòss ëd la ferovìa e a gran velossità a l'han ancaminà a core ancontra 'd noi! Mi e Norin-a, për lë sbaruv, i l'oma dàit un crij e i-i soma strenzusse franch ës-cìass tramentre che l'àutr tranvi a passava 'me na fusëtta motobin aranda a noi antant che j'àutri viagiator a rijvo sota ij barbis. Con tut col bataclan noi i j'ero dësmentiasse 'd calé a Porta Neuva e donca i-i soma trovasse a dovèj calé a la fërmada dòp, cola 'd cors Vinsàj. Parèj i l'oma dovù ancaminesse a pé arlongh ël cors Tòjo Emanuel ma për rivè an via Roma a vantava travërsé 'l cors midem ant na crosiera ch' smijava na Piassa d'Armi con milanta semàforo, e 'n tràfich ëd la malora! E, dcò belessì, na mascarìa! Costi semàforo a j'ero nen coma coj dontrè dël pais, a l'avìo nen mach 'l ross,'l giàun e 'l verd ma 'n baron ëd color e signaj! A-i ero dij semàforo ch'a l'avìo 'd righe bianche butà për drit për longh e për travèrs, dij fanaj che mincatant a s'anviscavo e as dëstissavo; dj'àutri ch'a l'avìo dissegnà 'd flecie ch'a mostravo minca diression, dë 'dnans, a man drita, a mancin-a e che a cambiavo soens color, da verd a giaun e ross e via fòrt, mi e Norin-a i savìo pa pì coma e cand podèj travërsé la stra. A bastava ancora nen, ant n'àutra crosiera ij semàforo a l'avìo tacà sël pal davzin a la lanterna na sòrt ëd cassiëtta con ëd figure ch'a cambiavo color e a bogiavo; a-i ero dij buracio ch'a smijavo dj'òm a pè o an biciclëtta, dlë scrite “AVANTI” colorà ëd verd e che mincatant a slussiavo, opura “ALT” colorà 'd ross ma cand a s'anviscavo coste a slussiavo nen. A col ponto lì mi e Norin-a i-ì soma squasi butasse a pioré, i savìo pa pì coma fé për travërsé ël cors Tòjo; tutun i-i soma fase coragi e i l'oma 'ncaminà pian pian a travërsé ma i j'ero ancora nen rivà a metà dla stra ch'a l'era già scatà 'l giàun e tut sùbit ëdcò 'l ross. Basta là, i-i soma trovasse blocà an mes a la carzà con màchine, coriere, moto, tranvi ch'a passavo da tute le bande an fasend ëd rasëtte da fé ardrissé ij cavèj ëdcò a na testa plà. Peui a l'é artornà ël verd e combin che noi i fusso 'n pòch ëstordì i l'oma torna ancaminà a travërsè lòn ch'a restava dla stra ma dcò sta vira i l'oma pa fàit an temp e për lòn travërsà l'ùltim metér co 'l ross antramentre che 'n cìvich, spontà as sa nen d'andova, a l'ha sùbit fërmane prima subiand come n'andiavolà, peui vosand an italian “Voi siete passati con il rosso creando pericolo a Voi stessi e agli altri, perciò vi dovrei fare la multa!". A-i mancava franch na multa! Për boneur ël cìvich a l'avìa dcò 'd bon cheur e a la vista 'd costa cobia sbaruvà a l'avìa mach fane un bel cichèt arcomandand-ne ëd pì nen passè col ross. A propòsit ëd lòn ch'a l'é capitane iv conto lòn ch'a l'era nopà capità a l'amis Flipòt quaranta e passa d'agn fa ant la midema crosiera. Donca cost amis, già ansian ma assé svicc e arbiciolù e ch'a viagava për Turin sèmper an biciclëtta tan ch'a pioveissa o ch'a fèissa sòl, un di a l'era trovasse dcò chiel a travërsé ël cors Tòjo, a pé con la bici për man, a la mira 'd Pòrta Neuva ma a l'avìa pa fàila ant un colp sol e a l'era trovasse blocà an mes al cors e a l'avìa dovù speté 'l verd sucessiv për podèj arcomënsé la travërsada. Ma, dcò për tëmma dël tranvi ch'a l'era viraje franch dë 'dnans, a l'avìa nen compì an temp ël përcors. Ël ross a l'avìa blocalo a l'improvista cand a mancavo mach pì dontrè méter për rivé sël marciapé e, che scarògna, ëdcò antlora 'n cìvich con ël subièt an bòca a l'era spontà fòra da darera 'd na pilia dij pòrti e a l'avìa intimaje 'd fërmesse përchè a dovìa fé 'l verbal për “esse passà co 'l ròss”. Pòver Flipòt malgré soe proteste e rimostranse, a-i era stàit pa gnente da fé, a l'avia dovù paghé la multa! Pòchi di dòp a l'era torna trovasse 'nt la midema crosiera e antlora a l'avìa pensà 'd travërsé pedaland sla biciclëtta për fé pì an pressa. A l'avèissa mai falo! Ël sòlit cìvich, a l'avàit darera a le pilie, a l'avià sùbit ambrancalo e ciapa lì, n'àutr verbal sta vira përchè “a viagiava an bici sël passagi pedonal”! N'àutra scarògna! Nopà tornand a mie vicende a la bonora i soma rivà dë 'dnans a la banca, n'edifissi grandios, con dij porton ëd bronz ch'a butavo gena mach a vardeje, anté a-i era na furfa 'd gent che andasìa anans e andarera travers a dle pòrte con dij semaforin e che a virolavo coma 'd sòtole. Un pòch genà noi i-i soma avzinasse un-a 'd cole pòrte tramentre che na vos a disìa ”Si prega apporre il dito indice per l'identificazione”. Che trigomiro! Për boneur a-i era dcò 'n dissègn ch'a mostrava andova vantava butè 'l dil! Butà lì 'l dil la pòrta a s'é duvertasse e noi i soma intrà 'n banca drin a 'n salon fòra 'd misura andova a-i era 'n baron dë sportej e truch e branca na senten-a 'd përson-e setà dzora a dle cadreghe e dle pcite poltron-e e che, con dij cit papé an man, a spetavo d'esse ciamà an vardand ëd le gròsse plance pien-e 'd numer fàit con milanta pcite lampadin-e rosse anvische ch'a pendrojavo dal plafon. Mincatant na vos ch'a rivava franch dal plafon a ciamava dij numér e dle litre e dla gent a s'àussava e a 'ndasìa a lë sportel indicà. Mì i l'hai capì ch'a vantava avej coj papé-lì për podej arivé a lë sportel ma coma fé? Un monsù bin grassios a l'ha fame vëdde na gròssa scatola, squasi come cola dël tranvi 'd sota, pien-a 'd lampadin-e e 'd boton, che conforma 'l servissi da prenoté, a të sporzìa 'l cit papé. Për boneur na grassiosa totin-a a l'avìa peui giutame e i l'hai avù 'l cit papè ma comsëssìa i l'oma ancora spetà 'n pàira d'ore prima 'd rivè a lë sportel, dé ardriss ai nòstri afé, seurte e ancaminesse torna vers Pòrta Neuva për artorné a ca. Ma a Turin e nen mach ambele-lì a-i é dcò un n'àutr gròss problema, specialment pr' ij giovinòt già 'n pòch anans d'età e che coma mi a l'han dij problema idràulich, a l'é col ëd trové, 'd vòlte pi prest che an pressa, un pòst anté podèj pissé an santa pas. Na vòta për le stra a-i ero ij pissor andova almanch j'òmo a podìo dëscariesse, nopà al di d'ancheuj a venta intrè ant n'osterìa o 'nt un local similar e me da costuma paghé na consumassion, për podèj gòde dël cess. A sta mira as podrìa pensé che dcò n'òmo ch'a dev andé al cess a podrìa dì che a va a pijèsse 'n cafè parej come na fomna ch'a dev andé al céss a a dis ch'a va a pentnesse. Mi i l'hai fàit përparèj vàire vire an cola giornà e 'd conseguensa i l'hai beivume tanti 'd coj cafè che i j'era nervos pes che në sfojor a la prima cheujta, a tant che a më smijava d'avèj butà ij dij ant n'atach ëd la corent elètrica, minca pcit antrap a l'era dventà 'n pretest për ruse con la fomna. Per boneur antratant i l'avìo finì 'd dè ardriss ai nòstri afé e i j'ero tornà a la stassion ëd la coriera për artorné a ca. Antratant che mi i viagiava a l'é dcò vnume 'n ment, a propòsit dij pissor, n'episòdi capità a doi amis, chèich ann fa, a Paris. Coj doi amis che i-j ciamroma Giaco e Gioann as trovavo a girolé për le contrà 'd Paris cand a tùit doi a l'era vnuje na veuja cissanta 'd pissé, ma pr'ël fàit ch'a j'ero franch tant tachign pitòst che intré ant un local e paghé na consumassion ma dcò cissà da la novità che a j'ero trovàsse dë 'dnans, visadì un 'd coj pissor automàtich modern fàit coma 'n gròss cilinder d'assel tut seuli e bërlusent e con na botonera andova 'nt na filura as butavo le monede, a l'avìo decidù 'd provelo. Gioann a l'era intrà për prim, a l'avìa fàit lòn ch'a dovìa fé e a l'era sortì. Giaco, 'n pò përché a vorìa nen spende, 'n pò përché la veuja 'd pissé a l'era fase motobin pressanta, apen-a la pòrta a l'era durbisse, sensa spetè gnanca na minuta, a l'era campasse 'n drinta tramentre che la midema as sarava darera 'd chiel. Apen-a 'n drinta a l'era capitaje 'l putiferi; na burià d'eva e detersiv a l'era rivaje a còl e l'avìa squasi campalo për tèra mojandlo fin-a a la miola e gavandje dcò 'l fià. Për boneur tut lòn a l'era durà pòch, la pòrta a l'era torna durbisse e 'l pòver Gioann a l'era robatà fòra sensa fià, j'euj fòra dla tèsta, ambibì coma 'n pipin apen-a s-ciodù e con l'eva che a-j colava d'adòss come da na gronda sota 'n temporal. Në spetacol da fé granì la pel! Gioann a l'era sùbit corù a giutelo ciamand-je -"Stas-to bin Giaco?"- "Si, Si"- a l'avia rësponduje Giaco -"Ma i l'hai mach un crussi. Chissà come ch'am la contrà la fomna përchè, për lë sbaruv i l'hai pissame a còl e i l'hai bagname mudande e braje".
Antratant la coriera a l'era rivà al pais.
TOMMASO VA A TORINO 1^ PARTE (Ispirato al romanzo di De Amicis "La carrozza di tutti")
Qualche anno fa a Torino, in occasione del 150° anniversario dell'Unità d'Italia, mi era capitato di fare un viaggio su una vettura tranviaria d'epoca dove un membro dell'Associazione Torinese Tranvai Storici che spiegava ai viaggiatori la storia e le finalità dell'associazione stessa. Tra i tanti progetti che aveva raccontato uno era quello di far ristampare il libro di E. De Amicis “La carrozza di tutti” dove l'autore raccontava delle persone e degli accadimenti incontrati durante un anno di viaggi sulle vetture pubbliche della sua epoca, i tram a cavalli. Qualche mese dopo ho casualmente trovato in un mercatino delle pulci una vecchia edizione del libro, l'ho acquistata, l'ho letta e mi è venuto in mente di scrivere qualche riga del viaggio, immaginario ma con tante realtà, di Tommaso e della moglie Norina fatto in un giorno nella Torino del giorno d'oggi, raccontato da lui stesso.
"Era da tanti anni che non ero più andato a Torino con i mezzi pubblici; da quando ero andato in pensione mi avevano sempre accompagnato il figlio o la nuora in macchina. Ora, con più di settant'anni mi sono trovato nella necessità di dover andare in città per il disbrigo di pratiche molto importanti delle quali non potevo farne a meno, da solo perché sia il figlio che la nuora erano in vacanza fuori d'Italia. Quindi quel mattino lì, molto presto, io con la moglie Onorina ci siamo recati sulla piazza del paese dove c'é la fermata della corriera (quelli che sono più moderni lo chiamano autobus). Lì, essendo tempo di scuola, ci siamo trovati in mezzo ad una folla di scolari che facevano un baccano del diavolo, urlavano, si spintonavano, non stavano un attimo fermi e quando poi è arrivata la corriera, si sono buttati sopra con tanta fretta e maleducazione che quasi facevano cadere a terra la povera Onorina. Naturalmente una volta sulla corriera abbiamo fatto tutto il viaggio in piedi in mezzo alla marmaglia che non smetteva un attimo di fare fracasso saltando anche da un sedile all'altro. Oh!, come erano lontani i tempi quando i ragazzi e i giovani lasciavano il posto alle donne e agli anziani! Nonostante gli spintoni e le orecchie assordate con l'aiuto del Signore siamo arrivati a Torino dove in poche fermate la corriera si é quasi svuotata e noi per fortuna ci siamo potuti sedere intanto che la corriera si fermava già un'altra volta! Ma la corriera aveva spento il motore e non ripartiva più! A quel punto mentre io e Onorina, inquieti, ci guardavamo intorno una voce che sembrava scendere dal tetto della corriera incomincia a dire: ”Signori, dovete scendere, siamo al capolinea!”- ”O basta là” gli ho risposto io “ma non siamo mica ancora arrivati a Porta Nuova!” “Certo che no signore, per Porta Nuova dovete prendere la metropolitana!” aveva risposto l'autista facendo capolino dal suo riparo dietro al volante. Io ne avevo sentito parlare della metropolitana ma non sapevo dov'era e soprattutto non sapevo come funzionasse. Allora l'autista ci aveva spiegato che era necessario scendere sotto terra e poi prendere una scala mobile, quella con gli scalini che vanno sù e giù da soli che ci avrebbe portato alla stazione. Quindi, siamo saliti su questa scala con qualche difficoltà perché gli scalini non stavano fermi un attimo, scappavano sempre da sotto ai piedi, ed era necessario saltarci sopra al volo. Per due anzianotti come noi è stata una mezza impresa ma bene o male siamo arrivati al fondo della scala ma quasi a rotoloni.
Lì c'era una grande sala con tante piccole porte trasparenti messe in fila che si aprivano quando qualcuno voleva passare. Anche noi ci siamo avvicinati alle porte ma nessuna si apriva, mentre vicino a noi la gente entrava senza problemi; una stregoneria! Un signore vestito da festa ci ha guardati per un po', poi si è avvicinato a noi e con modi gentili ci ha informati che era necessario comprare il biglietto e ci ha fatto vedere una specie di frigorifero tutti ricoperto da luci e iscrizioni colorate dove non si capiva nulla. Allora questo signore si è prestato per comprarci lui il biglietto e mi ha chiesto i soldi. Per fortuna avevo solo dei biglietti da 10 euro, gli ne ho sporto uno, lui l'ha infilato in una fessura e da un'altra è uscito un fogliettino pieno di numeri e lettere, il biglietto.” Lo infili nella fessura vicino alla porta trasparente che si aprirà e si ricordi di recuperarlo appena passato” mi ha poi detto tutto gentile e se n'è andato. Così ho fatto, la porta si è aperta, io sono passato, ho recuperato il biglietto e, dannazione!, la porta si è immediatamente chiusa dietro di me lasciando fuori mia moglie. Bella storia questa, io dentro che non sapevo più che fare e la moglie fuori disperata che quasi si metteva a piangere. Un fattorino con in testa un cappello gallonato più di un generale si è avvicinato e mi ha chiesto il motivo di tanta agitazione; io gli ho raccontato la vicenda e lui, con un sorrisetto malizioso, mi ha chiesto i soldi per comprare un altro biglietto (altri dieci euro che s'involavano); ma stavolta il fattorino, che era uno vero, mi ha dato il resto di otto euro e 50. Avete capito? Ero stato fregato proprio per bene; veramente una bella accoglienza appena arrivato a Torino! Finalmente dopo tutte queste tribolazioni anche la moglie è entrata e scendendo una rampa di scale, non ci siamo più fidati della scala mobile, siamo arrivati alla banchina dove dovevamo aspettare il metrò.
Ma, ecco lì un'altra sorpresa; davanti ai binari c'era una parete di vetro con tante piccole porte anche quelle di vetro, ma tutte chiuse strettamente. Io sono rimasto interdetto, come si faceva a salire sui vagoni della metro con le porte chiuse? Mentre rimuginavo intorno a questo problema il metrò, quasi in perfetto silenzio è arrivato, si è fermato e, miracolo, le porte vetrate si sono aperte da sole proprio in corrispondenza delle porte delle carrozze che intanto si erano aperte pure loro, roba da non credere! A quel punto siamo saliti e ci siamo trovati in piedi, anche lì i sedili erano tutti occupati da una folla che urlava, sul davanti della prima carrozza e lì, guardate un pò, un'altra stregoneria: non c'era nessun guidatore! La carrozza viaggiava da sola! Dopo un attimo di timore ci siamo tranquillizzati; era un divertimento guardare le rotaie luccicanti che davanti a noi sembravano allungarsi all'infinito, le luci colorate che arrivavano e sparivano man mano che il metrò avanzava.
Ma ad un certo momento due fari abbaglianti sono spuntati da un dosso della ferrovia e a gran velocità hanno iniziato a correre contro di noi! Io e Norina per lo spavento abbiamo lanciato un urlo e ci siamo abbracciati forte forte mentre l'altro convoglio ci passava di fianco come un fulmine sfiorandoci mentre gli altri viaggiatori ridevano sotto i baffi. Con tutto quel tafferuglio mi ero però dimenticato di scendere a Porta Nuova e quindi ci siamo trovati a dover scendere alla fermata dopo, quella di corso Vinzaglio. Così ci siamo dovuti avviare a piedi lungo corso Vittorio Emanuele ma per arrivare in via Roma bisognava attraversare il corso stesso in un incrocio che sembrava una Piazza d'Armi con una moltitudine di semafori, e un traffico della malora! Anche qui una stregoneria!, questi semafori non erano come quei due o tre del paese, non avevano solo il rosso, il giallo e il verde ma un mucchio di colori e segnali. C'erano dei semafori che avevano delle righe bianche messe per dritto, per lungo e per traverso, dei fanali che ognii tanto si accendevano e spegnevano; degli altri con disegnate delle frecce che indicavano ogni direzione e che cambiavano spesso colore, da verde a giallo e rosso e così via; io e Norina non sapevamo più come e quando attraversare la strada. E non bastava ancora, in un altro incrocio i semafori avevano attaccata al palo vicino alla lanterna una specie di cassetta con delle figure che che cambiavano colore e si muovevano; c'erano dei pupazzi che sembravano uomini a piedi o in bicicletta, delle scritte "AVANTI" colorate di verde e che ogni tanto lampeggiavano, oppure "ALT" colorate di rosso ma queste quando si accendavano non lampeggiavano. A quel punto lì io e Norina ci siamo quasi messi a piangere, non sapevamo più come fare attraversare il corso Vittorio; comunque ci siamo fatti coraggio e abbiamo cominciato pian piano ad attraversare ma non eravamo ancora arrivati a metà della strada che già era scattato il giallo e immediatamente anche il rosso. Basta là, ci siamo trovati bloccati in mezzo alla carreggiata con automobili, autobus, moto, tram che ci passavano da tutte le parti sfiorandoci vicinissimo, roba da far drizzare i capelli in testa ad un calvo! E' poi tornato il verde e nonostante fossimo un po' scossi abbiamo iniziato nuovamente ad attraversare quello che restava della strada ma anche stavolta non abbiamo fatto in tempo e per quello attraversato l'ultimo metro con il rosso mentre un vigile, spuntato non si sa da dove, ci ha subito fermato, prima fischiando come un indiavolato, poi gridando in italiano: “Voi siete passati con il rosso creando pericolo a Voi stessi e agli altri perciò vi dovrei fare la multa!” Ci mancava anche la multa! Per fortuna il vigile era di buon cuore a alla vista di questa coppia spaventata ci ha fatto solo un bel rimprovero raccomandandoci di non passare più con il rosso. A proposito di quanto capitatoci vi racconto quanto successo invece all'amico Filippo una quarantina di anni fa, nello stesso incrocio.
Dunque questo amico, già anziano ma ancora molto sveglio e atletico, che viaggiava in bicicletta per Torino sia che piovesse o che facesse sole, un giorno si era trovato anche lui ad attraversare a piedi, bicicletta per mano, corso Vittorio all'altezza di Porta Nuova, senza però farcela in un solo colpo e si era così trovato bloccato al centro del corso e aveva dovuto aspettare il verde successivo per ricominciare l'attraversamento. Ma, anche per timore del tram che gli era passato proprio davanti tagliandogli la strada, non era riuscito a completare in tempo il percorso. Il rosso l'aveva sorpreso all'improvviso quando mancavano si e no un paio di metri al marciapiede e, che sfortuna, anche allora un vigile già con il fischietto in bocca era spuntato all'improvviso da dietro a una colonna gli aveva intimato di fermarsi perchè doveva fargli la multa per “essere passato con il rosso!”. Povero Filippo, nonostante le sue proteste e rimostranze non c'era stato niente da fare, aveva dovuto pagare la multa! Alcuni giorni dopo si era nuovamente trovato allo stesso incrocio e allora aveva pensato di attraversare pedalando sulla bicicletta per fare più in fretta. Non l'avesse mai fatto!. Il solito vigile l'aveva subito bloccato contestandogli una nuova contravvenzione perchè questa volta "viaggiava in bicicletta sulle strisce pedonali", che sfortuna!
Tornando invece alle mie vicissitudini finalmente siamo arrivati davanti alla banca, un edificio grandioso, con dei portoni di bronzo che solo a guardarli ti mettevano soggezione, dove c'era una quantità di gente che andava avanti e indietro attraverso a delle porte con dei piccoli semafori e che giravano come delle trottole. Con un po' di timore noi ci siamo avvicinati ad una di quelle porte mentre una voce diceva “Si prega di apporre il dito indice per l'identificazione”. Un'altro pasticcio! Per fortuna c'era anche un disegno che faceva vedere dove mettere il dito. Messo lì il dito la porta si è aperta e noi siamo entrati in banca in un salone grandissimo dove c'erano decine di sportelli e più o meno un centinaio di persone sedute su sedie e poltroncine e che, con un bigliettino in mano, aspettavano di essere chiamate guardando dei grossi pannelli appesi al soffitto pieni di numeri costituiti da migliaia di piccole lampadine rosse accese. Ogni tanto una voce dal soffitto chiamava dei numeri e lettere e delle persone si alzavano e andavano allo sportello indicato. Io avevo capito che era necessario procurarsi quei biglietti per arrivare allo sportello ma, come fare? Un gentile signore mi aveva sì indicato una consolle quasi come quella del metrò piena di lampadine e pulsanti e che a seconda del servizio da prenotare ti sporgeva il biglietto. Për fortuna una gentile signorina mi aveva poi aiutato e così avevo avuto il tagliando; ma comunque abbiamo aspettato almeno un paio d'ore prima di potere arrivare al nostro sportello, sistemare i nostri affari e incamminarsi verso Porta Nuova per ritornare a casa. Nel frattempo, essendo passato un bel po' di tempo, cominciavo a sentire il bisogno di orinare ma a Torino, e non solo qui, per i maschietti già un po' anzianotti come me e che hanno determinati problemi è difficile trovare, spesso in fretta e furia, il posto dove poter orinare in santa pace. Una volta per le strade c'erano i vespasiani di cui almeno i maschi potevano usufruire mentre al giorno d'oggi bisogna per forza entrare in un bar o in locale similare, pagare una consumazione per non fare brutta figura e così poter utilizzare la toilette. Ora se una donna che si trova nella necessità di andare al bagno dice che dover andare a “pettinarsi” un uomo potrebbe dire che deve andare a “prendere un caffè” . Io quel giorno avevo fatto così parecchie volte e di conseguenza avevo bevuto tanti di quei caffè che ero più nervoso di un ragazzino al primo appuntamento con la sua bella, mi sembrava di aver messo le dita in una presa elettrica; ogni piccola contrarietà era diventato pretesto per litigare con la moglie. Fortunatamente avevamo risolto i nostri affari ed eravamo tornati alla fermata della corriera per ritornare a casa. Mentre viaggiavamo mi era venuto in mente, a proposito dei vespasiani, un fatto capitato alcuni anni fa a due amici.
Quei due amici, che chiameremo Giacomo e Giovanni, si trovavano a gironzolare per le vie di Parigi quando ad entrambi era sopravvenuta la necessità di dover fare pipì ma, poiché erano entrambi piuttosto tirchi ma anche incuriositi dalla novità che gli si era presentata davanti, cioé uno di quei vespasiani automatici moderni fatti come un grosso cilindro di acciaio liscio e luccicante e con una pulsantiera dove in una fessura si mettevano le monete, avevano deciso di provarlo. Giovanni era entrato per primo, aveva fatto quello che doveva fare ed era uscito. Giacomo, un po' perché non voleva spendere e soprattutto perché la voglia di orinare si era fatta insistente, appena la porta si era aperta si era catapultato all'interno mentre la stessa gli si richiudeva alle spalle. Appena dentro era successo un bailamme, una cascata di acqua e detersivo gli si era rovesciata addosso quasi buttandolo a terra togliendogli il fiato e bagnandolo fino al midollo. Fortunatamente tutto era finito in fretta, la porta si era riaperta e il povero Domenico era rotolato fuori senza fiato, gli occhi fuori dalle orbite, inzuppato come un pulcino appena nato, con cascate d'acqua che gli colavano dai vestiti come grondaie sotto un temporale. Uno spettacolo da far accapponare la pelle! Giacomo era subito accorso ad aiutarlo chiedendogli “Stai bene Domenico?”- “Si si”- gli aveva risposto il malcapitato-”Va tutto bene ma ho un cruccio. Chissà come me la canterà e me la suonerà la moglie appena sarò a casa perché, per lo spavento, me la sono fatta addosso e mi sono bagnato tutte le mutande!”
Intanto la corriera era arrivata al paese.
Nessun commento:
Posta un commento