Poesia LN 2020 segnalazione Vaira

N’àngel a l’avìa dime.

N’àngel a l’avìa dime ch’i dovìa esse contenta

Përchè ch’ i l’avrìa catà ʼn gran bel citin,

ma cò ch’i sarìa stàita na mare diferenta

con gròsse sodisfassion e ʼn pò tròpi sagrin,

che tante vòlte i l’avrìa dovù scapé via

con Ti e tò pare, col meno ʼmportant,

che, bon òm, a sarìa cariasse sta stran-a famija

tant a l’è ver che peui a l’avrìo fin-a falo sant.

A l’avìa dime ch’it sarìe mai barda-te da spos,

coma che tute le fomne a seugno për sò fieul,

ch’i  l’avrìa vardate rabasté la cros

e che për Ti l’avrìa portà ʼl deul.

Ma a Ti, che a tuti it l’has daje na man,

che a tuti it l’has faje dël bin,

ch’it l’has moltipicà ij pèss e ij pan

e trasformà l’eva ʼn vin,

a Ti che, an seguitand con costa lista,

ij sòp it l’has torna faje marcé,

che ai bòrgno it l’has daje la vista

e col mòrt ëd Betania it l’has butalo ʼn pè,

a Ti, un miràcol për mama at costava pròpi tant?

A sarìa bastate vorèj calé giù e vnime visin,

vnì via con mi ch’i j’era lì dacant,

a sarìa bastate bogé ʼl dil mamlin

për pasié ij nòstri torment,

për buté fin a col dolor,

ma Ti it podìè pa fè diferent…

eh nò, Tì mè fieul, it ses Nosgnor;

però mi adess, it lo sas ch’i son sincera,

se na fomna, për tant ch’a sia stàita grama,

për sò cit, am manda na preghiera

i la giuto volenté përché cò chila, prima ʼd tut, a l’é na mama.

Un angelo mi aveva detto

Un angelo mi aveva detto che dovevo essere contenta

perché avrei partorito un gran bel bambino,

ma anche che sarei stata una madre diversa

con grandi soddisfazioni e un po’ troppe preoccupazioni,

che tante volte sarei dovuta fuggire

con Te e tuo padre, quello meno importante,

che, pover uomo, si sarebbe sobbarcato questa strana famiglia

tant è vero che poi lo avrebbero perfino fatto santo.

Mi aveva detto che non ti saresti mai vestito da sposo

come tutte le donne sognano per il proprio figlio,

che ti avrei visto trascinare la croce

e che per Te avrei portato il lutto.

Ma a Te, che a tutti hai dato una mano,

che a tutti hai fatto del bene,

che hai moltiplicato i pesci e i pani

e trasformato l’acqua in vino,

a Te che , continuando con questa lista,

gli zoppi li hai fatti tornare a camminare,

che ai ciechi hai ridato la vista

e quel morto di Betania lo hai rimesso in piedi,

a Te, un miracolo per tua mamma costava proprio tanto?

Ti sarebbe bastato voler scendere e venirmi vicino,

venir via con me che ero lì accanto,

ti sarebbe bastato muovere il dito mignolo

per alleviare i nostri tormenti,

per porre fine a quel dolore,

ma Tu non potevi fare diversamente…

eh no, Tu mio figlio, sei Nostro Signore;

però io adesso, lo sai che sono sincera,

se una donna, per quanto sia stata cattiva,

per il suo piccolino, mi manda una preghiera

io l’aiuto volentieri perché anche lei, prima di tutto, è una mamma.